విజయంతో తిరిగి రండి…
1 min read![](https://i0.wp.com/newsnedu.com/wp-content/uploads/2024/06/881.jpg?fit=550%2C413&ssl=1)
క్రీడాకారులను ప్రోత్సహించిన డా. త్రినాథ్
- 29,30న రాష్ట్ర స్థాయి కిక్ బాక్సింగ్ పోటీలు
కర్నూలు, పల్లెవెలుగు:రాష్ట్ర స్థాయి కిక్ బాక్సింగ్ పోటీలు ఈ నెల 29,30వ తేదీలలో కృష్ణా జిల్లా జగ్గయ్య పేటలో జరగనున్నాయి. ఈ పోటీలో త్రినాథ్ కిక్ బాక్సింగ్ అకాడమీ నుంచి 12 మంది క్రీడాకారులు వివిధ కేటగిరిలో పాల్గొననున్నారు. శుక్రవారం అమ్మా, ఆర్క్ హాస్పిటల్స్ అధినేత , త్రినాథ్ కిక్ బాక్సింగ్ అకాడమీ చైర్మన్ డా. త్రినాథ్ ను క్రీడాకారులు మర్యాదపూర్వకంగా కలిశారు. ఈ సందర్భంగా డా. త్రినాథ్ మాట్లాడుతూ క్రీడాకారులను ప్రోత్సహించడం అందరూ బాధ్యతగా భావించాలన్నారు. రాష్ట్ర స్థాయి కిక్ బాక్సింగ్ పోటీలో పాల్గొనే క్రీడాకారులు విజయంతో తిరిగి రావాలని ఈ సందర్భంగా ఆయన ఆకాంక్షించారు. అనంతరం వారిని అభినందించారు. ఇక్కడ గెలుపొందిన వారు జూలై 24 నుంచి 28వ తేదీ వరకు గోవాలో జరిగే జాతీయ స్థాయి పోటీలలో పాల్గొంటారని త్రినాథ్ కిక్ బాక్సింగ్ అకాడమీ కోచ్, కిక్ బాక్సింగ్ రాష్ట్ర స్థాయి కోశాధికారి నరేంద్ర తెలిపారు.