లో దుస్తుల‌కు డ్రెస్ కోడ్ పాటించాలన్న పాక్ ఎయిర్ లైన్స్ !
1 min read
ప‌ల్లెవెలుగువెబ్: లో దుస్తుల విషయంలోనూ డ్రెస్ కోడ్ పాటించాలన్న పాకిస్థాన్ ఇంటర్నేషనల్ ఎయిర్‌లైన్స్ (పీఐఏ) చివరికి క్షమాపణలు చెప్పుకోవాల్సి వచ్చింది. గురువారం ఈ ఆదేశాలు జారీ చేసిన పీఐఏ శుక్రవారం పశ్చాత్తాపం వ్యక్తం చేస్తూ క్షమాపణలు కోరింది. సిబ్బందికి సరైన వస్త్రధారణ లేకపోవడం వల్ల వ్యక్తిగతంగానే కాకుండా ఆ ప్రభావం ఎయిర్‌లైన్స్ పైనా పడుతోందని పేర్కొన్న సంస్థ.. లో దుస్తుల విషయంలోనూ డ్రెస్ కోడ్ పాటించాలని ఆదేశాలు జారీ చేసింది. పీఐఏ ఆదేశాలపై సర్వత్ర విమర్శలు వ్యక్తమయ్యాయి. సోషల్ మీడియా అయితే దుమ్మెత్తి పోసింది. లోదుస్తుల విషయంలో డ్రెస్‌కోడ్ ఏంటంటూ పలువురు ఆగ్రహం వ్యక్తం చేశారు. దీంతో వెనక్కి తగ్గి పీఐఏ.. తమ ఉద్దేశం అది కాదని, సరైన వస్త్రధారణతో విధులకు హాజరు కావాలన్నదే తమ అభిమతమని పేర్కొంది.
About Author
