ఓటమి భయంతోనే..కూటమి కట్టారు..
1 min read
‘చేనేతపురి’లో.. జెండా ఎగరేస్తా…
- సామాజిక న్యాయం పాటించిన ఏకైక ముఖ్యమంతి జగన్ మోహన్ రెడ్డి
- మొదటిసారిగా చేనేత బిడ్డకు అవకాశం
- ఆశీర్వదించి…గెలిపించండి…
- ఎమ్మిగనూరును అభివృద్ధి పథంలో పరుగులు పెట్టిస్తా..
- బుట్టా ఫౌండేషన్ ద్వారా సేవలు… కొనసాగిస్తా…
- వైసీపీ ఎమ్మెల్యే అభ్యర్థి బుట్టారేణుక
పల్లెవెలుగు, ఎమ్మిగనూరు:సీఎం వైఎస్ జగన్మోహన్ రెడ్డి అమలు చేసిన సంక్షేమ పథకాలు, అభివృద్ధిని చూసి ఓటమిభయంతోనే ప్రతిపక్షాలు (బీజేపీ–జనసేన–టీడీపీ) కూటమిగా జత కట్టాయన్నారు వైసీపీ ఎమ్మిగనూరు అభ్యర్థి బుట్టారేణుక. రైతులు, విద్యావంతులు, యువతకు మేలు చేసిన సీఎం వైఎస్ జగన్… సామాజిక న్యాయం పాటించారన్నారు. ఇప్పటి వరకు వైసీపీ, టీడీపీ లు ‘ రెడ్డి’ సామాజిక వర్గానికే ఎమ్మిగనూరు టిక్కెట్ ఇచ్చారు…మొదటిసారిగా పద్మశాలీ వర్గానికి చెందిన బుట్టారేణుకకు వైసీపీ టిక్కెట్ ఇవ్వడంతో నియోజకవర్గ ప్రజలు హర్షం వ్యక్తం చేస్తున్నారు.
అభివృద్ధి..సంక్షేమం..:
రాష్ట్ర అభివృద్ధిలో తన ప్రత్యేకతను చాటుకున్న సీఎం వైఎస్ జగన్మోహన్ రెడ్డి బాటలోనే…తాను నడుస్తానని స్పష్టం చేసిన వైసీపీ ఎమ్మిగనూరు అసెంబ్లీ అభ్యర్థి బుట్టారేణుక… నియోజకవర్గ అభివృద్ధికి కృషి చేస్తానన్నారు. నిత్యం అందుబాటులోనే ఉండి.. సేవ చేస్తానన్నారు. ప్రభుత్వ సంక్షేమ పథకాలు అమలుతోపాటు అభివృద్ధి పథంలో నడిపిస్తానన్నారు.
ప్రజాదరణ..ఆమోఘం…:
నియోజకవర్గ కేంద్రమైన ఎమ్మిగనూరుతోపాటు గోనెగండ్ల, నందవరం, నాగలదిన్నె, ఎమ్మిగనూరు రూరల్లో విశేష ప్రజాదరణ వస్తోంది. ఇంటింటి ప్రచారానికి వెళ్లిన ప్రతి చోటా వైసీపీ అభ్యర్థి బుట్టారేణుకకు బొట్టు పెట్టి… హారతి ఇవ్వడం చూస్తుంటే… గెలుపు ఖాయమని ధీమా వ్యక్తం చేస్తోంది. ఎమ్మిగనూరు ఎమ్మెల్యే చెన్నకేశవ రెడ్డి , సీనియర్ నాయకులు రుద్ర గౌడ్ సహకారంతో తనకు తిరుగులేదని, సీఎం జగనన్నకు తన గెలుపు కానుకగా ఇస్తానని పేర్కొన్నారు వైసీపీ అభ్యర్థి బుట్టారేణుక.
ప్రత్యర్థి బలం అంచనా వేసి.. అడుగులు…:
(బీజేపీ–జనసేన– టీడీపీ)కూటమి అభ్యర్థిగా జయనాగేశ్వర రెడ్డి బరిలో నిలబడ్డారు. ప్రత్యర్థి అభ్యర్థి బలం అంచనా వేసి… అడుగులు వేస్తోంది. రెడ్డి సామాజిక వర్గానికి చెందిన జయనాగేశ్వర రెడ్డితోపాటు పద్మశాలి వర్గానికి చెందిన ఎంపీ డా. సంజీవ్ కుమార్, సీనియర్ నాయకులు కొంగతి లక్ష్మినారాయణ టీడీపీ వైపు ప్రచారం చేసేందుకు పక్కా ప్లాన్ రూపొందించారు. ఎమ్మిగనూరు టిక్కెట్ ఆశించి..నిరాశ పడిన డా. సంజీవ్ కుమార్ కూటమి ఎంపీ టిక్కెట్కోసం ప్రయత్నాలు సాగిస్తుండగా… కొంగతి లక్ష్మీనారాయణ ..జయనాగేశ్వర రెడ్డి గెలుపునకు సహకరించేందుకు సంసిద్ధంగా ఉన్నట్లు తెలుస్తోంది. ప్రత్యర్థులు ఎవరున్నా… ఎంత మంది జతకట్టినా… తన గెలుపును ఆపలేరని ధీమా వ్యక్తం చేసిన బుట్టారేణుక… సీఎం వైఎస్ జగన్ మోహన్ రెడ్డి మరోసారి సీఎం చేయడమే లక్ష్యంగా కృషి చేస్తామని స్పష్టం చేశారు.
About Author
